Музејот на Македонија на својот изложбен простор кој опфаќа над 6000 м² презентира 4 постојани поставки:

АРХЕОЛОШКА

ЕТНОЛОШКА

ИСТОРИСКА

ИСТОРИЈА НА УМЕТНОСТ со ГАЛЕРИЈА НА ИКОНИ

ЛАПИДАРИУМ

 

 

 

 

 

Археолошка поставка - Постојаната изложба на Музејот на Македонија содржи археолошки предмети собрани главно од ископувањата низ целата држава кои датираат од палеолитот, 50.000 год. п.н.е до XIV век

Овие артефакти хронолошки се презентирани низ следниве збирки:

• ПАЛЕОЛИТ
• НЕОЛИТ
• ЕНЕОЛИТ
• БРОНЗЕНО ВРЕМЕ
• ЖЕЛЕЗНО ВРЕМЕ
• ПРЕДРИМСКИ ПЕРИОД
  
• РИМСКИ ПЕРИОД
• ДОЦНА АНТИКА
• ТЕРАКОТНИ ИКОНИ
• ПРЕСЕЛБА НА НАРОДИ
• ВИЗАНТИСКО-СЛОВЕНСКИ ПЕРИОД
  (Епископски комплекс Моробисдон)
• СЛОВЕНСКО ВИЗАНТИСКИ ПЕРИОД
• НУМИЗМАТИКА
• ЕПИГРАФИКА
• КУРШУМЛИ - АН

фотогалерија

 

 

 

 

 

 

Етнолошка поставка - Постојаната поставка на Етнолошкиот оддел ги опфаќа сите сегменти од македонското традиционално творештво и наследство.

Збирката народни носии во овој оддел се смета за најбогата на Балканот.

Постојаната етнолошка поставка ги презентира збирките:

• НАРОДНИ НОСИИ
• НАРОДЕН НАКИТ И ЗАНАЕТИ
• НАРОДНИ ТКАЕНИЦИ
• HАРОДНО СТОПАНСТВО
• ПЧЕЛАРСТВО, ЛОВ И РИБАРСТВО
• НАРОДНА АРХИТЕКТУРА И РЕЗБА
• НАРОДНА КЕРАМИКА, ПОРЦЕЛАН И
  СТАКЛО И ЛИКОВНИ ДЕЛА СО ЕТНО МОТИВИ
• НАРОДНИ МУЗИЧКИ ИНСТРУМЕНТИ
• НАРОДНИ ОБИЧАИ
• ДРВЕНИ ПОКУЌНИНСКИ ПРЕДМЕТИ
  И ДРВОПРЕРАБОТУВАЧКИ ЗАНАЕТИ
• МЕТАЛНИ ПОКУЌНИНСКИ ПРЕДМЕТИ
  И МЕТАЛОПРЕРАБОТУВАЧКИ ЗАНАЕТИ

фотогалерија

Историја на уметност - Материјалите за овој оддел се собирани во Музејот од дваесеттите години на XX век. Најголем дел е собран во заштитните акции по напуштените цркви и манастири, а помал дел е добиен по пат на откуп.

Во постојаната поставка на овој оддел претставени се збирките:

• АРХИТЕКТОНСКА ДЕКОРАТИВНА ПЛАСТИКА
• ЅИДНО СЛИКАРСТВО
• ИКОНОПИС
• КНИЖНИ ИКОНИ И АНТИМИНСИ
• РЕЗБА
• ПРИМЕНЕТА УМЕТНОСТ
• ИСЛАМСКА УМЕТНОСТ
• КОПИИ НА ФРЕСКИ
• СОВРЕМЕНА УМЕТНОСТ

фотогалерија

Галерија на икони - Галеријата на икони во Музејот на Македонија во Скопје е најбогатата од тој вид во Република Македонија. Содржи над 400 икони кои потекнуваат од почетокот на XIV до средината на XX век.

Во постојаната изложбена Галерија на икони, со стотина примероци се презентира само дел од колекцијата на Музејот на Македонија, што го претставува нејзиното јадро од најстари, најтипични и најрепрезентативни примероци на своето време.

Според хронолошката застапеност на иконите, колекцијата може да се нарече поствизантиска и доцносредновековна...

фотогалерија

Историска поставка - Постојаната поставка во историскиот оддел ја опфаќа историјата на македонскиот народ од XIV до XX век.

Најнова во овој оддел е хералдичката збирка, отворена на почетокот на март 2009.

Во поставката се презентирани следниве збирки:

• МАКЕДОНИЈА ОД VI ДО XIV ВЕК
  (СЛОВЕНСКО-ВИЗАНТИСКИ ПЕРИОД)
• МАКЕДОНИЈА ПОД ОСМАНЛИСКО-ТУРСКА ВЛАСТ
• KУЛТУРНА ПРЕРОДБА
• НАЦИОНАЛНО РЕВОЛУЦИОНЕРНО ДВИЖЕЊЕ
• МАКЕДОНИЈА МЕЃУ ДВЕТЕ СВЕТСКИ ВОЈНИ
• НАРОДНООСЛОБОДИТЕЛНА ВОЈНА НА МАКЕДОНИЈА
• СОЦИЈАЛИСТИЧКА ИЗГРАДБА НА МАКЕДОНИЈA
• ФИЗИЧКА КУЛТУРА И СПОРТ
• ХЕРАЛДИКАТА ВО МАКЕДОНИЈА

фотогалерија

Лапидариум - Лапидариумот, збирка камени споменици, е сместен во ќелиите на приземјето на главната зграда на еден од најубавите споменици на културата во Скопје - Куршумли ан.

Секоја ќелија содржи споменици кои потекнуваат од иста област и од ист период, почнувајќи од I век пр.н.е. до времето на доцната антика (IV век), време во кое Македонија била римска провинција.

Во лапидариумот влегуваат над 130 споменици, различни според својата типологија.

фотогалерија