Привремени

10.11.2008 - 10.02.2009

Отворање: 19:00

Крстот, како симбол на христијанството, од неговото прифаќање како единствен препознатлив симбол на верата, нè следи до денес. Со претставувањето на најразлични крстови од сите делови на Македонија дадена е панорама на експонати од применетата уметност и на уметнички занаети, со која ќе се прошири и продлабочи сознанието за нивната застапеност на македонскиот културен простор.

Изложените предмети станале сопственост на музеите по различни основи. Дел од нив се археолошки наоди, дел се добиени како подарок или со откуп, а дел како заштитување на црковниот инвентар. Во каталогот што ја следи изложбата се класифицирани разни типови крстови според територијални, типолошки, иконографски и стилски карактеристики.

Крстовите што се презентираат на оваа изложба досега биле позанти на тесен круг стручни лица. Некои од предметите за прв пат се обзнануваат во јавноста, а благодарение на меѓумузејската соработка, за прв пат се експонираат на едно место.

Автор на концепцијата на изложбата е Марија Мурџева, виш кустос во НУ Музеј на Македонија.

Голема благодарност до институциите

- НУ Завод за заштита на спомениците и Музеј - Охрид,

- НУ Завод за заштита на спомениците и Музеј - Прилеп,

- НУ Завод за заштита на спомениците и Музеј - Струмица,

- НУ Завод за заштита на спомениците и Музеј - Битола,

- Музеј на Град Скопје,

- НУ Национален конзерваторски центар, збирка Стоби - Скопје,

- НУ Музеј Куманово,

- Музеј Тетово,

- Институт за старословенска уметност - Прилеп,

- Филозофски факултет - Скопје,

- Фамилијата Јовчевски,

за отстапениот материјал, како и на колегите, за нивната стручна соработка.

17. 12. 2008 - 17. 03. 2009

Отворање: 19:00

Локалитетот Вучедол и културата која го има добиено името по него секако е своевиден феномен меѓу појавите кои ги одбележале праисториските периоди не само во Хрватска, туку и во Европа. Интересот за вучедолската култура која изникнала на просторите на источна Славонија и Срем, но и од матичното подрачје во нејзините подоцнежни фази се ширела во средноевропските подрачја, не е од понов датум. Во основа тој е присутен од времето на првите систематски истражувања на издигнатииот јужен брег на Дунав, само неколку километри по течението до Вуковар, што во дамнешните триесетти години на XX век ги извршил германскиот археолог Р. Шмит.

На изложбата ВУЧЕДОЛ - МИТ ШТО ОПСТОЈУВА се изложени стотина одбрани експонати кои ѝ припаѓаат на вучедолската култура, со желба да се претстави една од најзначајните и најинтересни праисториски култури на просторот на северна Хрватска. Археолошкиот музеј во Загреб ја реализираше изложбата во соработка со Градскиот музеј Винковци и Градскиот музеј Вуковар кои поседуваат вредни наоди од вучедолската култура, особено оние кои се откриени во текот на поновите истражувања.

Автор на изложбата: Жаклин Бален

Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}