Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}
Неолитската збирка ја сочинуваат предмети од материјалната култура откриени со истражувањата на населбите од Источна Македонија, Скопската котлина и Полог. Тоа се главно предмети од керамика, рачно изработени. Орудијата се правени од вулкански и кварцни карпи во облик на секири, мотики, длета, ножеви. Од коска биле правени шила, игли и накит.
Неолитот (7000-3500 год. пр.н.е.) ја претставува првата, најзначајна етапа од културно-историскиот развиток на човештвото. Еволуцијата на неолитот во Македонија е поделена на три развојни фази: ран, среден и доцен неолит.
Ранонеолитската керамика е претставена со неколку садови и фрагменти од населбите Анзабегово и Канли Чаир кај с. Дамјан - Радовиш. Украсени се со втиснување, штипнување и слика со бела боја на црвена основа, што е карактеристично за оваа фаза.
Средниот неолит е претставен преку една група на керамички садови, како што се аскосите, амфорите и пехарите, кои потекнуваат од населбите Тумба Маџари, Мршевци и Анзабегово.
Особено интересна група предмети се оние со скулптурални, антропоморфни и зооморфни претстави и садови-жртвеници, поврзани со религијата и верувањата.
Од фигурите најголемо внимание привлекува Божицата пронајдена во Тумба Маџари, моделирана во комбинација со објект-жртвеник што асоцира на куќа. Покрај антропоморфните, претставени се и зооморфни фигурини со претстави на козорог, овца, животно-демон, како и садови-жртвеници кои наликуваат на масички со три или четри нозе, украсени со врежани орнаменти.
Доцниот неолит е претставен со неколку примероци од керамички садови и култни предмети. Керамиката е од Анзабегово, монохромна по боја, украсувана со мотиви од плитки канелури и боцкани орнаменти. Култната пластика, особено антропоморфната, е стилизирана.
Доцниот неолит завршил кон крајот на IV милениум пр.н.е., а со тоа и неолитот како културно-историска епоха.
Д-р Драгиша Здравковски, кустос советник, e-mail:
This e-mail address is being protected from spambots. You need JavaScript enabled to view it
Марија Атанасова, кустос
Елена Стојанова Канзурова, кустос, e-mail:
This e-mail address is being protected from spambots. You need JavaScript enabled to view it
